بپاشا باسو کی بالی ووڈ میں دھماکے دار واپسی

ممبئی (جانب منزل نیوز) بالی ووڈ کی حسین اداکارہ بپاشا باسو ایک بار پھر اسکرین پر جلوہ گر ہونے کو تیار، چھ سال بعد اداکاری کی دنیا میں واپسی کے لیے نئی ویب سیریز کی شوٹنگ شروع کردی۔
ہدایت کار ہنسل مہتا کی کرائم ڈرامہ سیریز میں بپاشا باسو کے ساتھ سنی کوشل اور وشال جیٹھوا بھی اہم کرداروں میں نظر آئیں گے۔ پرائم ویڈیو کے لیے بنائی جانے والی اس سیریز کی کہانی منشیات کی اسمگلنگ، بدعنوانی اور بااثر عناصر کے گرد گھومتی ہے۔
شادی اور پھر ماں بننے کے بعد اداکاری سے دور رہنے والی بپاشا باسو کی واپسی نے مداحوں کی دلچسپی بڑھا دی ہے۔ تاہم ان کے کردار اور سیریز کی ریلیز کی تاریخ سے متعلق تفصیلات تاحال سامنے نہیں آئیں۔