کراچی (جانب منزل نیوز) کراچی میں خواتین نے روایتی سوچ اور صنفی رکاوٹوں کو توڑتے ہوئے آٹوموٹو انڈسٹری میں قدم رکھ دیا ہے۔ شہر قائد کی خواتین اب نہ صرف الیکٹرک بائیکس اور اسکوٹیز چلا رہی ہیں، بلکہ خود اپنے ہاتھوں سے ڈرل مشینوں اور برقی آلات کا استعمال کرتے ہوئے انہیں اسمبل اور تیار بھی کر رہی ہیں۔
ادارے میں خواتین کو الیکٹرک بائیکس اور اسکوٹیز کی اسمبلنگ کی مکمل عملی تربیت فراہم کی جا رہی ہے۔
صرف دو سے تین ماہ کی مفت تکنیکی ٹریننگ کے بعد خواتین مکمل ٹیکنیشن کے طور پر الیکٹریکل اور مکینیکل کا شعبہ کامیابی سے سنبھال رہی ہیں۔
منصوبے کی خاص بات یہ ہے کہ اس پروجیکٹ کی سربراہی بھی ایک خاتون کر رہی ہیں، جن کا عزم آٹوموٹو انڈسٹری میں خواتین کی خودمختاری کو فروغ دینا ہے
