لاہور (جانب منزل نیوز) پاکستانی گلوکار عمیر جسوال نے سوشل میڈیا پر ایک فکر انگیز پیغام شیئر کرکے زندگی کا اہم فلسفہ بیان کردیا۔ گلوکار نے سوال اٹھایا کہ کیا دوسروں سے تعریف، منظوری اور پذیرائی کی توقع چھوڑ دینے سے انسان کی زندگی زیادہ پُرسکون ہوجاتی ہے؟
عمیر جسوال کا کہنا ہے کہ دوسروں کی تعریف اور توہین سے بے نیاز ہوجانا ہی اصل آزادی ہے۔ ان کے پیغام میں خود اعتمادی، اپنی ذات کو اہمیت دینے اور لوگوں کی رائے سے غیر ضروری طور پر متاثر نہ ہونے کا تصور نمایاں ہے۔
عمیر جسوال نے بتایا کہ زندگی میں ہر کسی کی خوشنودی حاصل کرنا ضروری نہیں، بلکہ اپنی ذات پر اعتماد اور اپنے فیصلوں پر قائم رہنا بھی حقیقی آزادی کا حصہ ہے۔





