راولپنڈی (جانب منزل نیوز) برطانیہ کے چیف آف جنرل اسٹاف جنرل سر چارلس رولینڈ ونسنٹ واکر نے جنرل ہیڈکوارٹرز راولپنڈی کا دورہ کیا، جہاں پاک فوج کے چاق و چوبند دستے نے معزز مہمان کو گارڈ آف آنر پیش کرکے استقبال کیا۔
آئی ایس پی آر کے مطابق برطانوی فوجی سربراہ نے آرمی چیف اور چیف آف ڈیفنس فورسز فیلڈ مارشل سید عاصم منیر سے ملاقات بھی کی۔
دورے کے دوران اعلیٰ عسکری قیادت کی ملاقات کو پاکستان اور برطانیہ کے درمیان دفاعی روابط اور عسکری تعاون کے تناظر میں اہم پیش رفت قرار دیا جا رہا ہے۔





