کراچی (جانب منزل نیوز) پاکستانی اداکار احسن خان نے باپ اور بچوں کے درمیان جدائی کے ناقابلِ بیان درد کو اجاگر کرتے ہوئے سوشل میڈیا پر ایک جذباتی پیغام شیئر کردیا۔
احسن خان نے ڈیوٹی پر روانہ ہوتے ہوئے ایک باپ کی آخری ویڈیو شیئر کی اور لکھا کہ معصوم بچوں کو پیچھے چھوڑ کر گھر سے جانا کسی بھی باپ کے لیے انتہائی مشکل مرحلہ ہوتا ہے، لیکن اس سے بڑا المیہ کیا ہوگا کہ کوئی باپ اس امید کے ساتھ گھر سے نکلے کہ واپس ضرور لوٹے گا، مگر پھر کبھی اپنے بچوں کے پاس نہ پہنچ سکے۔
اداکار نے ان ننھے بچوں کی کیفیت کا تصور کرنے کی اپیل بھی کی جو اپنے والد کی واپسی کے منتظر رہتے ہیں، لیکن وہ باپ دوبارہ کبھی گھر کے دروازے سے اندر داخل نہیں ہو پاتا۔
احسن خان کا کہنا تھا کہ باپ کی جدائی کا یہ درد الفاظ میں بیان کرنا ممکن نہیں، ایک ایسی کمی جو بچوں کی زندگی میں ہمیشہ محسوس ہوتی رہتی ہے۔





