کراچی (جانب منزل نیوز) جیلانی ہاؤس کراچی میں پیپلز پارٹی کی اہم بیٹھک، سابق وزیراعلیٰ نے حلقے کی صورتحال اور ترقیاتی منصوبوں پر پارٹی چیئرمین کو بریفنگ دے دی
پاکستان پیپلز پارٹی کے چیئرمین بلاول بھٹو زرداری کی کراچی میں سیاسی سرگرمیاں، جیلانی ہاؤس پہنچنے پر سابق وزیراعلیٰ سندھ سید قائم علی شاہ سے اہم ملاقات ہوئی، جس میں بلاول بھٹو نے ان کی خیریت دریافت کی اور صحت و تندرستی کے حوالے سے نیک خواہشات کا اظہار کیا۔
ملاقات میں سابق صوبائی مشیر سید اسد علی شاہ بھی موجود تھے۔ سیاسی بیٹھک کے دوران ملک کی مجموعی سیاسی صورتحال، سندھ کے بدلتے سیاسی حالات، پارٹی کی تنظیمی سرگرمیوں اور عوام کو درپیش مسائل پر تفصیلی تبادلہ خیال کیا گیا۔
اس موقع پر بلاول بھٹو زرداری کا کہنا تھا کہ پیپلز پارٹی عوامی خدمت، جمہوریت کے استحکام اور شہریوں کے مسائل کے حل کے لیے اپنا بھرپور کردار ادا کرتی رہے گی۔ پارٹی قیادت عوام سے مسلسل رابطے میں ہے اور عوامی مشکلات کے ازالے کے لیے مشترکہ کوششیں جاری ہیں۔
دوسری جانب سید قائم علی شاہ نے بلاول بھٹو زرداری کو اپنے حلقے کی سیاسی صورتحال، مقامی آبادی کو درپیش مسائل اور علاقے میں جاری ترقیاتی منصوبوں کے حوالے سے آگاہ کیا۔





