اسلام آباد ( جانب منزل نیوز) خیبر پختونخوا میں ایمرجنسی اور گورنر راج کے نفاذ پر سیاسی ماحول گرم ہو گیا۔ سابق وزیراعظم اور عوام پاکستان پارٹی کے صدر شاہد خاقان عباسی نے وفاقی حکومت کے اس اقدام کو آئین، جمہوریت اور صوبے کے عوامی مینڈیٹ کی کھلی نفی قرار دے دیا
شاہد خاقان عباسی کا کہنا تھا کہ موجودہ معاشی، سیاسی اور امن و امان کی نازک صورتحال میں ایسا غیر جمہوری فیصلہ ملک کو مزید سنگین بحران میں دھکیلے گا۔ انہوں نے مسلم لیگ (ن) اور پیپلز پارٹی کو تنقید کا نشانہ بناتے ہوئے کہا کہ جمہوری روایات کی دعویدار جماعتوں کا اس فیصلے میں شریک ہونا انتہائی تشویشناک ہے۔
سابق وزیراعظم نے زور دیا کہ خیبر پختونخوا میں سیکیورٹی اور انتظامی مسائل کا حل پارلیمان اور آئینی طریقہ کار سے ہی ممکن ہے۔ انہوں نے عدلیہ سے اپیل کی کہ وہ اس غیر آئینی اقدام کی قانونی حیثیت کا فوری تعین کرے
