پشاور (جانب منزل نیوز) خیبرپختونخوا میں ایمرجنسی اور گورنر راج کے نفاذ اور موجودہ کشیدہ صورتحال کے پیش نظر صوبے کے مختلف اضلاع میں تعلیمی ادارے بند رکھنے کا فیصلہ کیا گیا ہے۔
ضلعی انتظامیہ کے مطابق صوابی، مردان اور نوشہرہ میں اسکولوں، کالجوں اور جامعات سمیت تمام سرکاری اور نجی تعلیمی ادارے پیر کے روز بند رہیں گے۔
متعلقہ ڈپٹی کمشنرز اور ضلعی تعلیمی حکام کی جانب سے جاری کردہ احکامات کے تحت ان اضلاع میں تعلیمی سرگرمیاں مکمل طور پر معطل رہیں گی، جبکہ 12 اکتوبر کو ہونے والے تمام امتحانات اور پرچے بھی منسوخ کر دیے گئے ہیں۔
انتظامیہ نے تعلیمی اداروں کے سربراہان کو ان احکامات پر سختی سے عمل درآمد یقینی بنانے کی ہدایت کی ہے۔
