راولپنڈی (جانب منزل نیوز) پاکستان نے ٹی ٹوئنٹی سیریز کے پہلے میچ میں سری لنکا کو چار وکٹوں سے شکست دے دی، راولپنڈی کرکٹ اسٹیڈیم میں کھیلے گئے میچ میں پاکستان نے 183 رنز کا ہدف 19ویں اوور میں حاصل کیا، کپتان صاحبزادہ فرحان 89 رنز بنا کر نمایاں رہے، ڈیبیو کرنے والے محمد عمران رندھاوا اور رضا اللہ نے بھی میچ میں حصہ لیا۔
راولپنڈی میں کھیلے گئے پہلے ٹی ٹوئنٹی میچ میں سری لنکا نے ٹاس جیت کر پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 182 رنز بنائے۔
سری لنکا کی جانب سے لہیرو اڈارا نے 91 رنز کی نمایاں اننگز کھیلی، کمنڈو مینڈس 23 اور داسن شناکا 18 رنز بنا سکے۔
پاکستان کی جانب سے نسیم شاہ نے تین وکٹیں حاصل کیں، محمد عمران رندھاوا نے دو جبکہ صائم ایوب، رضا اللہ اور شاداب خان نے ایک، ایک کھلاڑی کو آؤٹ کیا۔
183 رنز کے ہدف کے تعاقب میں پاکستان کو کپتان صاحبزادہ فرحان اور معاذ صداقت نے عمدہ بیٹنگ کرتے ہوئے مضبوط بنیاد فراہم کی۔ صاحبزادہ فرحان نے 89 جبکہ معاذ صداقت نے 50 رنز بنائے۔
فخر زمان نے 21 رنز کی اننگز کھیلی، پاکستان نے ہدف 19ویں اوور میں چھ وکٹوں کے نقصان پر حاصل کرلیا۔
سری لنکا کی جانب سے ایشان ملنگا اور مہیش ٹھیکشانا نے دو، دو وکٹیں حاصل کیں۔
پاکستان نے سری لنکا کو 4 وکٹوں سے شکست دے دی
