لاہور(جانب منزل نیوز) پنجاب میں بلدیاتی انتخابات ایک بار پھر تاخیر کا شکار ہونے کا امکان ہے۔ شدید سموگ اور دھند کے باعث الیکشن دسمبر اور جنوری کے بجائے اپریل 2027 میں کروانے کی تجویز سامنے آئی ہے
پنجاب حکومت کے ذرائع کے مطابق 15 دسمبر سے یکم جنوری تک صوبے میں شدید سموگ اور فوگ کا امکان ظاہر کیا گیا ہے، جس کے پیشِ نظر محکمہ سکول ایجوکیشن نے محکمہ بلدیات کو الیکشن کی تاریخ تبدیل کرنے کی تجویز دی ہے۔ ذرائع کے مطابق اب بلدیاتی انتخابات اپریل 2027 میں کروانے کی تجویز پر غور کیا جا رہا ہے۔
محکمہ بلدیات جلد ہی وزیر اعلیٰ پنجاب کو کابینہ اجلاس میں اس معاملے پر تفصیلی بریفنگ دے گا، جبکہ الیکشن کمیشن کا شیڈول بھی کابینہ کمیٹی میں رکھا جائے گا۔ صوبائی وزیر بلدیات ذیشان رفیق کے مطابق سکول ایجوکیشن کی تجویز زیر غور ہے اور الیکشن کی نئی تاریخ کا حتمی فیصلہ وزیر اعلیٰ پنجاب کریں گے
