لاہور( جانب منزل نیوز) انسٹاگرام نے اپنے صارفین کے لیے چیٹنگ کا انداز مزید دلچسپ بنا دیا ہے۔ اب آپ صرف چند الفاظ لکھ کر اپنا گانا خود تیار کر سکتے ہیں۔ انسٹاگرام ڈائریکٹ میسجز میں اے آئی سانگ کریئٹر فیچر کا آغاز کر دیا گیا۔
سوشل میڈیا پلیٹ فارم انسٹاگرام نے ڈائریکٹ میسجز میں اے آئی سانگ کریئٹر نامی ایک نیا اور منفرد فیچر متعارف کرا دیا ہے۔ اس فیچر کے ذریعے صارفین کسی بھی خیال، مختصر جملے یا اپنے لکھے ہوئے بول کو چند سیکنڈز میں ایک مکمل میوزک ٹریک میں تبدیل کر سکتے ہیں۔
فیچر کا استعمال انتہائی آسان ہے۔ ڈائریکٹ میسج میں جا کر اپنا خیال یا جملہ درج کریں، موسیقی کا انداز منتخب کریں اور میٹا اے آئی آپ کے لیے ایک نیا گانا تیار کر دے گا جسے فوری طور پر چیٹ میں شیئر بھی کیا جا سکتا ہے۔ یہ فیچر مرحلہ وار عالمی سطح پر تمام صارفین کے لیے جاری کیا جا رہا ہے۔
