لاہور(جانب منزل نیوز)لاہورمیں پریس کانفرنس سے خطاب کرتے ہوئے پاکبان کے چیئرمین عمران صدیقی نے کہا کہ پہلے مرحلہ میں گلوکار ذیشان روکھڑی، گلوکارہ حمیرا ارشد سعودی عرب جائیں گے۔29 اکتوبر کو دمام ،30 اکتوبر کو ریاض اور 5 نومبر کو جدہ میں کلچر شوز ہوں گے۔انہوں نے کہا کہ ہر دو تین ماہ بعد سعودی عرب میں پاکستانی گلوکار اپنی پرفارمنس دیں گے۔یہ پاکبان اور گلوری ایونٹ کی مشترکہ کاوش ہے۔
کرکٹر عبد الرزاق نے کہا کہ میں عمران صدیقی نے بڑا قدم اٹھایا ہے۔ان ایونٹس سےبڑا اچھا میسج سعودی عرب اور دنیا بھر میں جائے گا۔انہوں نے کہا کہ ہمارے سپر اسٹارز سعودی عرب میں کلچر کو فروغ دینے میں اپنا کردار ادا کریں گے۔گلوکارہ حمیرا ارشد نے کہا کہ روحانی وابستگی سعودیہ سے تو ہماری ہے ۔ اب ہمارے سنگر اور فنکار سعودی عرب میں جا کر لوگوں کو انٹرٹین کریں گے۔حمیرا ارشد نے کہا کہ سعودی عرب میں عمرے کی سعادت تو حاصل کی ہے۔اب وہاں جا کر پہلی دفعہ پرفارم کروں گی ۔پاکستان کے آرٹسٹ وہاں پرفارمنس دیں گے اور سعودیہ کے لوگ جو پاکستان نہیں آسکتے وہ اب وہاں ہمارے فنکاروں کی پرفارمنس دیکھیں گے ۔
گلوری ایونٹ کے سی ای او عاکف نے کہا کہ سعودی عرب میں اب پاکستان فنکاروں کے لئے ایک کھڑکی کھلی ہے۔ ہم وہاں پر بلا تفریق فنکاروں کو لے کر جائیں گے۔ فیورٹ ازم نہیں ہوگی۔پریس کانفرنس میں گلوکارہ حمیرا ارشد، کرکٹر عبد الرزاق، عاکف انصاری ، عاطف انصاری،گوشی خان،گلوکارہ حرا،ٹک ٹاکر سیڈ ریپر، افتخار افی نے بھی خطاب کیا۔ آخر میں پاکبان اور گلوری ایونٹ اینڈ پی آر کے درمیان ایم او یو سائن کیا گیا
