دبئی (جانب منزل نیوز)دبئی کے ولی عہد اور متحدہ عرب امارات کے نائب وزیراعظم شیخ حمدان بن محمد بن راشد آل مکتوم نے فلائی دبئی کے بہادر پائلٹ کیپٹن اسمت مچھار سے ملاقات کی ہے، اور دورانِ پرواز پیش آنے والے سیکورٹی واقعے میں ان کی اعلیٰ فرض شناسی اور جرات کو زبردست خراجِ تحسین پیش کیا ہے۔
خلیج ٹائمز کے مطابق پرواز FZ1073 میں سیکورٹی صورتحال پر باہمت قابو پانے پر شیخ حمدان نے کیپٹن اسمت مچھار کی خدمات کو سراہتے ہوئے کہا کہ پائلٹ نے انسانی جانوں کے تحفظ کا اعلیٰ ترین مظاہرہ کیا ہے جس پر اماراتی قیادت انہیں مکمل خراجِ تحسین پیش کرتی ہے۔
ہمیں فخر ہے کہ کیپٹن اسمت ہماری قوم کا حصہ ہیں۔۔۔ ایک ایسی قوم جو امن، ہمدردی اور انسانی زندگی کی قدر کرتی ہے
اماراتی سول ایوی ایشن اتھارٹی کے مطابق کیپٹن مچھار بحفاظت یو اے ای پہنچ چکے ہیں جہاں انہیں طبی سہولیات فراہم کی جا رہی ہیں۔ دوسری جانب یو اے ای کے اٹارنی جنرل کی ہدایت پر پبلک پراسیکیوشن کی خصوصی ٹیم واقعے کی قانونی و بین الاقوامی پہلوؤں سے تحقیقات کر رہی ہے۔
