معروف سٹیج اداکار آصف اقبال لاہور میں سپرد خاک

پاکستانی اسٹیج کا ایک اور درخشاں فنکار ابدی نیند سو گیا۔ معروف کامیڈین، اداکار، ہدایت کار اور ڈرامہ رائٹر آصف اقبال 60 برس کی عمر میں انتقال کرگئے۔ آصف اقبال کی نمازہ جنازہ اقبال ٹاؤن میں ادا کی گئی۔

آصف اقبال کی نماز جنازہ ان کی رہائش گاہ کے قریب اداکار جواد وسیم نے پڑھائی، شوبز شخصیات اور اسٹیج کے فنکاروں نے کثیر تعداد میں شرکت کی-۔

حاضر جوابی اور منفرد مزاحیہ کردار آصف اقبال کی خاص پہچان تھے۔ آصف اقبال نے تھیٹر کے ساتھ ساتھ ٹیلی ویژن اور فلم میں بھی کام کیا۔ ان کے اچانک انتقال کی خبر نے ساتھی فنکاروں اور مداحوں کو افسردہ کردیا۔ آصف اقبال کی برجستہ اداکاری، مزاحیہ انداز اور اسٹیج کے لیے خدمات ان کے مداحوں کے لیے ہمیشہ یادگار رہیں گی۔