سیالکوٹ (جانب منزل نیوز) سیالکوٹ انٹرنیشنل ایئرپورٹ نے ملازمت کے خواہشمند نوجوانوں اور تجربہ کار پروفیشنلز کے لیے روزگار کے نئے دروازے کھول دیے۔ ایئرپورٹ انتظامیہ نے بزنس ڈویلپمنٹ، انتظامی امور، ماحولیاتی نگرانی، تکنیکی دیکھ بھال اور گراؤنڈ آپریشنز سمیت مختلف شعبوں میں بھرتیوں کا اعلان کردیا۔
جاری کردہ اشتہار کے مطابق اسسٹنٹ منیجر بزنس ڈویلپمنٹ، اسسٹنٹ کمپنی سیکریٹری، انوائرنمنٹل کنٹرول آفیسر، مکینیکل سپروائزر، الیکٹرانکس ٹیکنیشن، ریمپ ٹی جی ایس آپریٹر اور جنرل ڈیوٹی ڈرائیور سمیت متعدد عہدوں پر اہل امیدواروں کی خدمات حاصل کی جائیں گی۔
ان ملازمتوں کی خاص بات یہ ہے کہ مختلف تعلیمی قابلیت رکھنے والے افراد بھی درخواست دے سکتے ہیں۔ امیدواروں کے لیے مڈل، میٹرک، متعلقہ ڈپلومہ، گریجویشن اور ماسٹرز کی تعلیم مقرر کی گئی ہے، جبکہ عہدوں کے مطابق پیشہ ورانہ تجربہ بھی ضروری ہوگا۔
اعلیٰ انتظامی عہدوں کے لیے 3 سے 5 سال کا تجربہ، تکنیکی آسامیوں کے لیے متعلقہ ڈپلومہ اور کم از کم 3 سالہ تجربہ درکار ہے۔ ڈرائیور اور ریمپ آپریٹر کی پوسٹوں کے لیے درست PSV یا HTV ڈرائیونگ لائسنس اور متعلقہ تجربہ لازمی قرار دیا گیا ہے۔
دلچسپی رکھنے والے امیدوار ایئرپورٹ کی سرکاری ویب سائٹ www.sial.com.pk کے کیریئرز سیکشن کے ذریعے آن لائن درخواست جمع کرا سکتے ہیں۔
درخواستیں جمع کرانے کی آخری تاریخ 30 نومبر 2026 ہے، جبکہ بھرتی کے اگلے مرحلے کے لیے صرف شارٹ لسٹ امیدواروں کو انٹرویو کی دعوت دی جائے گی۔





