اسلام آباد (جانب منزل نیوز) وفاقی وزیر طارق فضل چوہدری نے بانی پی ٹی آئی کو جیل میں طبی سہولیات کی عدم فراہمی سے متعلق الزامات کو مسترد کرتے ہوئے دعویٰ کیا ہے کہ ان کا باقاعدگی سے ماہر ڈاکٹروں سے طبی معائنہ کرایا جاتا ہے، جبکہ اب تک 8 مرتبہ انہیں جیل سے باہر ماہر معالجین کو دکھایا جا چکا ہے۔
طارق فضل چوہدری کا کہنا تھا کہ بانی پی ٹی آئی کے طبی معائنے کے لیے بیرون ملک سے بھی ڈاکٹر بلوائے گئے، اس لیے طبی سہولیات کی عدم فراہمی سے متعلق خط میں لگائے گئے الزامات حقائق کے برعکس ہیں۔
وفاقی وزیر نے 22 گھنٹے قید تنہائی، کتابوں اور ٹی وی کی سہولت میسر نہ ہونے کے دعوؤں کو بھی مسترد کیا۔ ان کے مطابق بانی پی ٹی آئی کو ان کی پسند کا کھانا فراہم کیا جاتا ہے اور حکومت ان کی صحت کے حوالے سے کسی قسم کی غفلت نہیں برت رہی۔





