یو اے ای میں اے آئی ٹیکنالوجی کا بڑا بریک تھرو، نیکسٹ جن اوپن اے آئی کی سلیکٹ پارٹنر بن گئی

ابوظہبی (جانب منزل نیوز) متحدہ عرب امارات نے آرٹیفیشل انٹیلی جنس ایکو سسٹم کو وسعت دینے کی جانب اہم پیش رفت کرتے ہوئے مقامی ٹیکنالوجی کمپنی نیکسٹ جن کو اوپن اے آئی کا سلیکٹ پارٹنر نامزد کردیا ہے۔
اس اسٹریٹجک پارٹنرشپ کے تحت نیکسٹ جن یو اے ای کے سرکاری اداروں اور کارپوریٹ سیکٹر میں اوپن اے آئی کے جدید جی پی ٹی ماڈلز اور چیٹ جی پی ٹی ورک کو انٹیگریٹ اور ڈیپلائے کرنے میں معاونت فراہم کرے گی۔
اس منصوبے کا بنیادی فوکس انٹرپرائز اے آئی انٹیگریشن، ورک فلو آٹومیشن، آپریشنل ایفیشنسی اور پروڈکٹیوٹی میں اضافے پر ہوگا، تاکہ ادارے اپنے موجودہ آئی ٹی انفراسٹرکچر میں جدید اے آئی سلوشنز شامل کرکے قابلِ پیمائش کاروباری نتائج حاصل کرسکیں۔
نیکسٹ جن کی ٹیکنیکل ٹیمیں اداروں کے ساتھ براہِ راست کام کرتے ہوئے کسٹم اے آئی سلوشنز ڈیولپ کریں گی، موجودہ سسٹمز کے ساتھ انٹیگریشن کریں گی اور اندرونی ٹیموں کی ٹیکنیکل کپیسٹی بلڈنگ میں بھی معاونت فراہم کریں گی۔
کمپنی کے مطابق اس کے پانچ دفاتر میں 135 سے زائد اے آئی اور ٹیکنالوجی اسپیشلسٹس کام کررہے ہیں، جبکہ 50 سے زائد انٹرپرائز کلائنٹس کے ساتھ شراکت داری اور 200 سے زائد اے آئی یوز کیسز کی ڈیلیوری کا تجربہ رکھتی ہے۔
نیکسٹ جن فنانشل سروسز، فن ٹیک، ڈیجیٹل پیمنٹس، رئیل اسٹیٹ، ہاسپیٹیلٹی، ایجوکیشن، ہیلتھ کیئر اور میڈیا سمیت مختلف انڈسٹریز میں اے آئی بیسڈ ٹرانسفارمیشن پر کام کررہی ہے۔
کمپنی ٹیکنالوجی نیوٹرل اپروچ برقرار رکھتے ہوئے کلائنٹس کی ضروریات کے مطابق مختلف اے آئی ماڈلز اور پلیٹ فارمز کا انتخاب بھی کرے گی۔ اس کے ساتھ سیکیورٹی، اسکیل ایبلٹی اور ڈیٹا سوورینٹی کو مدنظر رکھتے ہوئے اے آئی سلوشنز کی ڈیپلائمنٹ پر توجہ دی جائے گی۔