خلا سے دبئی کی جگمگاتی ترقی کا حیران کن منظر

دبئی (جانب منزل نیوز) دبئی کی ترقی اور جدیدیت کا سفر اب خلا سے بھی نمایاں ہونے لگا، ناسا کے خلا باز ڈان پیٹٹ نے 2003، 2012 اور 2025 میں خلا سے لی گئی دبئی کی رات کی تصاویر شیئر کرکے دنیا کو حیران کردیا۔
تصاویر میں گزشتہ 22 برس کے دوران شہر کی روشنیاں اور شہری منظرنامہ یکسر تبدیل ہوتا دکھائی دیتا ہے۔ ماضی میں استعمال ہونے والی نارنجی رنگ کی سوڈیم اور مرکری ویپر لائٹس کی جگہ اب رنگا رنگ ایل ای ڈی روشنیاں جگمگا رہی ہیں۔
تصاویر میں دبئی کے مشہور پام آئی لینڈز کی ترقی بھی واضح ہے۔ 2003 میں ان کی تعمیر ابتدائی مراحل میں تھی، جبکہ آج یہ مصنوعی جزائر دبئی کی عالمی پہچان بن چکے ہیں اور خلا سے بھی نمایاں دکھائی دیتے ہیں۔