روم (جانب منزل نیوز) اٹلی کے بڑے شہروں میں جنگ اور بڑھتی ہوئی مہنگائی کے خلاف احتجاجی مظاہروں کے دوران پولیس اور مظاہرین کے درمیان شدید جھڑپیں ہوئیں، جبکہ میلان میں احتجاج زیادہ تر پُرامن رہا۔
روم، ٹورین اور بولونیا میں مظاہرین اور پولیس کے درمیان تصادم کے واقعات پیش آئے۔ گزشتہ ہفتے ہونے والے مظاہروں کے دوران دکانوں میں لوٹ مار اور املاک کو نقصان پہنچانے کے واقعات کے بعد حکام نے سکیورٹی انتظامات سخت کر دیے تھے۔
ہفتے کے روز ممکنہ بدامنی سے نمٹنے کے لیے بڑی تعداد میں پولیس اہلکار تعینات کیے گئے، جبکہ متعدد دکانیں احتیاطی طور پر بند رکھی گئیں۔ سخت حفاظتی اقدامات کے باعث اس روز لوٹ مار یا املاک کو نقصان پہنچانے کے واقعات پیش نہیں آئے۔
دوسری جانب اطالوی پولیس نے ایک مشتبہ شخص کو حراست میں لے کر پوچھ گچھ کے لیے میلان پولیس ہیڈکوارٹرز منتقل کیا۔ مذکورہ شخص پر گزشتہ ہفتے کے احتجاج سے منسلک اکتوبر 17 موومنٹ کی تنظیم سازی میں مبینہ کردار ادا کرنے کا شبہ ہے۔
