روسی وزیرِ داخلہ کا چار روزہ دورۂ پاکستان مکمل، وطن واپس روانہ

اسلام آباد (جانب منزل نیوز) روسی وزیرِ داخلہ ولادیمیر کولا کولتسیف چار روزہ دورۂ پاکستان مکمل کرنے کے بعد وطن واپس روانہ ہوگئے۔ وفاقی وزیرِ داخلہ محسن نقوی نے روسی ہم منصب کو الوداع کیا۔
روسی وزیرِ داخلہ نے دورے کے دوران پاکستان کی جانب سے شاندار مہمان نوازی پر شکریہ ادا کرتے ہوئے کہا کہ وہ پاکستان سے خلوص اور محبت لے کر واپس جا رہے ہیں۔
اس موقع پر وفاقی وزیرِ داخلہ محسن نقوی نے کہا کہ روسی وزیرِ داخلہ کا دورہ پاکستان اور روس کے تعلقات کے فروغ میں اہم کردار ادا کرے گا۔
چار روزہ دورے کو دونوں ممالک کے درمیان روابط اور باہمی تعاون کے فروغ کے حوالے سے اہم پیش رفت قرار دیا جا رہا ہے۔