ای پروٹیکٹر: محفوظ اور قانونی بیرونِ ملک روزگار
بیورو آف ایمیگریشن اینڈ اوورسیز ایمپلائمنٹ نے بیرونِ ملک ملازمت کے لیے جانے والے پاکستانی شہریوں کی سہولت کے لیے ای پروٹیکٹر رجسٹریشن سسٹم متعارف کرایا ہے۔ اس ڈیجیٹل نظام کے ذریعے درخواست گزار موبائل فون یا کمپیوٹر سے اپنی درخواست جمع، ضروری دستاویزات اَپ لوڈ اور درخواست کی پیش رفت آن لائن چیک کرسکتے ہیں۔
ای پروٹیکٹر سے بالخصوص دور دراز علاقوں کے افراد کا وقت، سفری خرچ اور غیر ضروری دفتری مراحل کم ہوتے ہیں۔ ڈیجیٹل ریکارڈ اور آن لائن تصدیق سے رجسٹریشن کا عمل زیادہ تیز، شفاف اور قابلِ نگرانی بنتا ہے۔ درخواست کی نوعیت کے مطابق اگر کسی اضافی تصدیق یا کارروائی کی ضرورت ہو تو پورٹل یا متعلقہ پروٹیکٹوریٹ آف ایمیگرنٹس کی ہدایات پر عمل کریں۔
پروٹیکٹر رجسٹریشن محض ایک رسمی کارروائی نہیں بلکہ قانونی اور محفوظ روزگار کی اہم حفاظتی دستاویز ہے۔ اس عمل کے دوران ملازمت کے ویزے، ایمپلائمنٹ کنٹریکٹ، آجر اور دیگر متعلقہ ریکارڈ کی جانچ کی جاتی ہے۔ اس سے بیرونِ ملک پاکستانی مشنز اور کمیونٹی ویلفیئر اتاشیوں کو ضرورت کے وقت کارکن کی شناخت اور معاونت میں بھی سہولت ملتی ہے۔
درخواست جمع کراتے وقت:
صرف اپنا درست موبائل نمبر اور ای میل ایڈریس استعمال کریں۔
پاسپورٹ، شناختی کارڈ، ملازمت کا ویزا اور ایمپلائمنٹ کنٹریکٹ کی واضح نقول اَپ لوڈ کریں۔
ملازمت، تنخواہ، آجر اور منزل کے ملک کی تمام معلومات احتیاط سے درج کریں۔
ٹریکنگ آئی ڈی، فیس کی رسید اور منظور شدہ رجسٹریشن ریکارڈ محفوظ رکھیں۔
کسی غیر مجاز ایجنٹ کو پاسپورٹ، اصل دستاویزات، پاس ورڈ یا او ٹی پی ہرگز نہ دیں۔
روانگی سے پہلے اپنے کنٹریکٹ، ملازمت کی شرائط اور ضروری اورینٹیشن کو اچھی طرح سمجھ لیں۔
ای میل کے ذریعے موصول ہونے والے پروٹیکٹر سرٹیفکیٹ کو بیرونِ ملک سفر کے وقت ہمیشہ ساتھ رکھیں۔
وزٹ ویزے پر کام کرنا یا پروٹیکٹر رجسٹریشن کے بغیر ملازمت کے لیے بیرونِ ملک جانا قانونی، مالی اور حفاظتی خطرات پیدا کرسکتا ہے۔ روانگی سے پہلے تمام قانونی مراحل خود مکمل اور تصدیق کریں۔
آن لائن پروٹیکٹر کیلئے درج ذیل لنک پر کلک کریں:
