فیفا ورلڈ کپ کے میچز اب ایک بٹن کی دوری پر، نیٹ فلیکس نے نشریاتی حقوق حاصل کر لیے

امریکا (جانب منزل نیوز) دنیا کے معروف ویڈیو اسٹریمنگ پلیٹ فارم نیٹ فلیکس نے فیفا فٹبال ورلڈ کپ 2030 کے نشریاتی حقوق حاصل کر لیے ہیں۔ معاہدے کے تحت نیٹ فلیکس اسپین اور انڈورا کے ناظرین کو ورلڈ کپ کے تمام 104 میچز دکھائے گا۔
رپورٹ کے مطابق اسپین میں ہر میچ ڈے پر ایک میچ مفت نشر کیا جائے گا، جبکہ ملک کے ایک فری ٹو ایئر ٹی وی چینل پر بھی میچز کا مخصوص پیکیج دکھایا جائے گا۔ اس پیکیج میں اسپین کی قومی ٹیم کے تمام میچز، دونوں سیمی فائنلز اور فائنل شامل ہوں گے۔
نیٹ فلیکس پہلے ہی 2027 اور 2031 میں ہونے والے ویمنز فٹبال ورلڈ کپ کے عالمی سطح پر خصوصی نشریاتی حقوق حاصل کر چکا ہے۔ مینز فیفا ورلڈ کپ کے نشریاتی حقوق کا حصول اسٹریمنگ پلیٹ فارم کے لیے کھیلوں کی براہِ راست نشریات کے میدان میں ایک اہم پیش رفت ہے۔
فیفا کے سیکریٹری جنرل میٹیاس گرافشٹروم نے کہا ہے کہ 2026 اور 2030 کے توسیع شدہ ورلڈ کپ دنیا بھر کے فٹبال شائقین کے لیے یادگار ایونٹس ثابت ہوں گے۔