سعودی عرب (جانب منزل نیوز) سعودی عرب میں آن لائن خریداری کرنے والے صارفین کے لیے بڑی اور اہم سہولت متعارف کرا دی گئی ہے۔ اب توکلنا ایپ کے ذریعے کسی بھی آن لائن اسٹور کی فوری اور آن لائن تصدیق کی جا سکے گی
سعودی بزنس سینٹر کے مطابق اس نئی سروس کے ذریعے شہری اور مقیم افراد کسی بھی آن لائن پلیٹ فارم کی قانونی حیثیت اور صداقت کی فوری جانچ کر سکیں گے، جس سے جعلی اسٹورز اور آن لائن فراڈ سے بچنے میں مدد ملے گی۔
صارفین اسٹور کا سرٹیفکیشن نمبر، تجارتی نام، فری لانس ڈاکومنٹ یا براہِ راست لنک درج کرکے تصدیق کرسکتے ہیں کہ آیا پلیٹ فارم باقاعدہ رجسٹرڈ ہے یا نہیں۔ سعودی حکام کے مطابق یہ اقدام کاروباری نظام کو مزید منظم اور محفوظ بنانے کی مسلسل کوششوں کا حصہ ہے
