تارا گونہ (جانب منزل نیوز) ڈسکور پاکستان ٹی وی کے چیف ایگزیکٹو آفیسر ڈاکٹر قیصر رفیق نے اپنے دورۂ سپین کے دوران تارا گونہ میں معروف کاروباری شخصیت چوہدری احسان انور بانیاں کی رہائش گاہ بانیاں ہاؤس کا دورہ کیا۔ جہاں پاکستانی بزنس کمیونٹی کی جانب سے ان کا شاندار استقبال کیا گیا۔
بانیاں ہاؤس آمد پر چوہدری احسان انور بانیاں اور چوہدری رضوان انور بانیاں نے ڈاکٹر قیصر رفیق کا پرُتپاک استقبال کیا۔ اس موقع پر منعقدہ پروقار عشائیے میں چوہدری سفیان ظفر بانیاں ، فلک شیر گجر، چوہدری وحید ظفر، اور عمران اختر چھوکر سمیت سیاسی و سماجی شخصیات نے شرکت کی۔
نائپ صدر پی پی پی یورپ چوہدری ساجد گوندل، صدر پاکستان آسٹریا بزنس کونسل شاہد ندیم اور ڈائریکٹر انٹرنیشنل افیئرز ڈسکور پاکستان ارشد انجم بھی تقریب میں موجود تھے۔
ڈاکٹر قیصر رفیق نے بیرونِ ملک مقیم تارکینِ وطن کی کاروباری، سماجی اور ملک و قوم کے لیے خدمات کو زبردست خراجِ تحسین پیش کیا۔ انہوں نے کہااوورسیز پاکستانی نہ صرف اپنی محنت، لگن اور اعلیٰ صلاحیتوں کی بدولت دیارِ غیر میں نمایاں مقام حاصل کر رہے ہیں، بلکہ وہ بین الاقوامی سطح پر پاکستان کی مثبت شناخت اور بہترین عکس قائم کرنے میں اہم ترین کردار ادا کر رہے ہیں۔ پاکستانی تارکینِ وطن ملک کا اصل اور قیمتی اثاثہ ہیں۔
ڈاکٹر قیصر رفیق نے مزید کہا کہ پاکستان میں قدرت کے عطا کردہ حسین مناظر، ثقافت اور تاریخی ورثہ موجود ہے، اور ڈسکور پاکستان ٹی وی کا بنیادی مقصد ان تمام پہلوؤں کو عالمی سطح پر اجاگر کرنا ہے۔ انہوں نے اوورسیز کمیونٹی پر زور دیا کہ وہ بین الاقوامی فورمز پر پاکستان کی سیاحت اور مثبت امیج کو بڑھاوا دینے کے لیے اپنا مؤثر کردار جاری رکھیں۔
تقریب کے دوران شرکاء نے بارسلونا اور سپین میں پاکستانی کمیونٹی کے کردار، درپیش مسائل اور باہمی تعاون کے مواقع پر تفصیلی تبادلۂ خیال کیا۔ تمام شرکاء نے ڈاکٹر قیصر رفیق کو بارسلونا آمد پر خوش آمدید کہا اور ڈسکور پاکستان ٹی وی کی جانب سے ملکی سیاحت اور مثبت امیج کے فروغ کے لیے اٹھائے گئے اقدامات کو سراہا۔
تقریب کے اختتام پر ایک پرُتکلف عشائیے کا اہتمام کیا گیا، جہاں تمام مہمانوں نے ایک دوسرے کے ساتھ باہمی روابط کو مضبوط بنانے اور مستقبل میں تعمیری تعاون پر اتفاق کیا۔ میزبان چوہدری احسان انور بانیاں اور چوہدری رضوان انور بانیاں نے ڈاکٹر قیصر رفیق اور تمام شرکاء کی آمد پر ان کا شکریہ ادا کیا
