دبئی میں رنگ راتری سیزن فور کا رنگا رنگ انعقاد

دبئی (جانب منزل نیوز) دبئی میں ریویرا ایونٹس کے زیر اہتمام رنگ راتری سیزن فور کا انعقاد کیا گیا، جس میں موسیقی، گربا، ڈانڈیا، ڈی جے اور ڈھول نے سماں باندھ دیا۔
ووڈلم پارک اسکول القصیص میں ہونے والی اس تقریب میں فیشن، بہترین لباس کے مقابلے، اعزازی ایوارڈز اور تفریحی سرگرمیاں نمایاں رہیں۔
تقریب میں فیشن، جیولری اور فوڈ اسٹالز کے ذریعے چھوٹے کاروباروں اور خواتین کاروباری شخصیات کو اپنی مصنوعات متعارف کرانے کے مواقع فراہم کیے گئے۔
کاروباری شخصیات، انفلوئنسرز اور میڈیا نمائندوں کی بڑی تعداد نے شرکت کی۔
بانی ریویرا ایونٹس اپوروا تریویدی کے مطابق ایسے ایونٹس کا مقصد تفریح کے ساتھ کاروبار کو فروغ دینا ہے۔منتظمین کے مطابق 31 اکتوبر کو شارجہ میں دیوالی میلہ منعقد کیا جائے گا۔