یونیورسٹی میں فیصل قریشی اور حریم فاروق کا ڈانس،،، سوشل میڈیا پر بحث چھڑ گئی

کراچی ( جانب منزل نیوز) پاکستانی شوبز انڈسٹری کے معروف اداکار فیصل قریشی اور اداکارہ حریم فاروق اپنی نئی پنجابی فلم مینگو جٹ کی تشہیر کے دوران ڈانس پرفارمنس کے باعث سوشل میڈیا پر توجہ کا مرکز بن گئے۔
ایک یونیورسٹی میں فلم کی پروموشن کے دوران دونوں فنکاروں نے پنجابی گانے پر رقص کیا، جس کی ویڈیو سوشل میڈیا پر تیزی سے وائرل ہوگئی۔
ویڈیو سامنے آتے ہی صارفین کی جانب سے تبصروں کا سلسلہ شروع ہوگیا۔ بعض افراد نے فیصل قریشی کے ڈانس اور عمر کو تنقید کا نشانہ بنایا، جبکہ کچھ صارفین نے تعلیمی ادارے میں ایسی پرفارمنس کے انعقاد پر سوالات اٹھائے۔
دلچسپ بات یہ ہے کہ فلم کی تشہیر کے لیے کی جانے والی پرفارمنس اب سوشل میڈیا پر ایک نئی بحث کا موضوع بن گئی ہے، جہاں صارفین اپنے اپنے انداز میں رائے کا اظہار کر رہے ہیں۔
فیصل قریشی اور حریم فاروق کی فلم مینگو جٹ 16 اکتوبر کو سینما گھروں میں نمائش کے لیے پیش کی جائے گی۔ اب دیکھنا یہ ہے کہ سوشل میڈیا پر ہونے والی یہ بحث فلم کی تشہیری مہم کو کس حد تک مزید توجہ دلاتی ہے۔