سپین (جانب منزل نیوز) سپین کے شہر بارسلونا میں واقع چھوکر ہاؤس میں اوورسیز پاکستانیز فاؤنڈیشن کے چیئرمین سید قمر رضا، معروف صحافی سہیل وڑائچ، پاک بزنس فورم یورپ کے چیئرمین سردار ظہور اقبال، معروف تجزیہ نگار ڈاکٹر حامد المشرقی، سینئر صحافی اظہر جاوید اور یوکے میڈیا کی کرکٹ ٹیم کے اعزاز میں ایک پرتکلف ناشتے کا اہتمام کیا گیا۔
تقریب کی میزبانی چوہدری عمران اختر چھوکر، معروف صحافی ارشد انجم، بزنس مین بابر بشیر اور ضامن عباس ساہی نے کی۔
تقریب کے دوران سینئر صحافی سہیل وڑائچ کی صحافتی خدمات، تجزیاتی بصیرت اور پاکستانی صحافت میں نمایاں کردار کو سراہتے ہوئے انہیں زبردست خراجِ تحسین پیش کیا گیا۔ اس موقع پر او پی ایف کے چیئرمین سید قمر رضا نے گفتگو کرتے ہوئے کہا کہ اوورسیز پاکستانی ملکی معیشت کا استحکام اور پاکستان کے مثبت امیج کے ضامن ہیں
جن کے مسائل کے حل کے لیے تمام اقدامات کیے جا رہے ہیں۔ تقریب میں میاں گلزار، چوہدری ساجد گوندل، طاہر چوہدری، فرحت نسیم اور شمائلہ صدیقی سمیت کمیونٹی کی معزز شخصیات نے شرکت کی۔
