لاہو (جانب منزل نیوز) وزیراعلیٰ پنجاب مریم نواز شریف کی چھوٹی بیٹی ماہ نور صفدر کے نکاح کی تقریب جاتی عمرہ لاہور میں جاری ہے۔ تقریب میں صرف خاندان کے قریب ترین افراد اور رشتہ داروں کو مدعو کیا گیا ہے۔
میڈیا رپورٹس کے مطابق وزیراعلیٰ پنجاب مریم نواز شریف کی چھوٹی بیٹی ماہ نور صفدر زندگی کے نئے سفر کا آغاز کرنے جا رہی ہیں ۔یہ تقریب انتہائی سادگی اور نجی نوعیت کی رکھی گئی ہے۔ ماہ نور نواز عموماً میڈیا اور عوامی سرگرمیوں سے دور رہی ہیں جبکہ شریف خاندان کی جانب سے تقریبات کے حوالے سے کوئی تفصیلات سامنے نہیں آئیں۔
ماہ نور صفدر کا رشتہ معروف فلور ملز انڈسٹری سے وابستہ صنعت کار جبار خالد کے بیٹے اذان جبار سے طے پایا ہے۔
واضح رہے کہ ماہ نور صفدر نے حال ہی میں ستمبر 2026ء میں لندن کی معروف ایس او اے ایس یونیورسٹی سے اینتھروپولوجی میں اپنی بی ایس کی ڈگری مکمل کی ۔ مریم نواز گریجویشن تقریب میں شرکت کے بعد لندن سے بدھ کو لاہور واپس پہنچی تھیں۔
