میڈرڈ (جانب منزل نیوز) اسپین کے دار الحکومت میڈرڈ میں سفارتِ پاکستان نے قائدِ اعظم سال کی مناسبت سے خصوصی مشاعرے کا انعقاد کیا، جس میں قائدِ اعظم محمد علی جناح کے 150ویں یومِ پیدائش اور پاکستان کے 80ویں یومِ آزادی کی یاد منائی گئی۔
سفیرِ پاکستان ڈاکٹر ظہور احمد نے اپنے خطاب میں قائدِ اعظم کی لازوال میراث اور پاکستان کے عظیم ادبی و ثقافتی ورثے کو اجاگر کیا۔ معروف شاعر نثار ترابی نے مہمان خصوصی کی حیثیت سے شرکت کی، جبکہ صابر رضا، طاہر حافظ، نیئر اقبال نجمی اور اشفاق احمد نے بھی اپنا کلام پیش کرکے خوب داد حاصل کی۔
تقریب کے دوران مغل دورِ حکومت کے 500 سالہ ورثے اور قائدِ اعظم کی زندگی اور قومی خدمات کے حوالے سے خصوصی نمائش کا بھی اہتمام کیا گیا۔
