شارجہ (جانب منزل نیوز) شارجہ کے علاقے موویلہ میں واقع پاکستانی ریسٹورنٹ کراچی اسٹار میں لیجنڈری اداکارہ و فلم اسٹار میرا کی بہن شائستہ مرحومہ کے ایصالِ ثواب کے لیے تعزیتی اجتماع اور قرآن خوانی کا اہتمام کیا گیا۔ شائستہ مرحومہ برطانیہ میں کینسر کے مرض میں مبتلا ہونے کے بعد انتقال کر گئی تھیں۔
دعائیہ تقریب کی میزبانی معروف سوشل میڈیا انفلوئنسر اور آرٹسٹ فہد اسد نے کی، جبکہ کراچی اسٹار کے مالک شاہد بنگش اور فلم ڈائریکٹر و پروڈیوسر نیہا لاج بھی اس موقع پر موجود تھے۔ تقریب میں شرکاء نے میرا سے تعزیت کا اظہار کیا اور مرحومہ کے لیے دعائے مغفرت کی۔
غم کے اس موقع پر اداکارہ میرا کی گفتگو، مہمانوں سے ملاقات اور باوقار انداز خاص توجہ کا مرکز رہا۔ ان کے نرم لہجے، خلوص اور اپنائیت نے حاضرین کو متاثر کیا، جبکہ ان کی تہذیب اور مہمانوں کے ساتھ محبت بھرے رویے کو بھی سراہا گیا۔
تعزیتی اجتماع میں کمیونٹی اور میڈیا سے وابستہ نمایاں شخصیات نے شرکت کی، جن میں میاں منیر ہنس، سید سلیم شاہ، ڈاکٹر ظفر، ڈاکٹر نور صباح، اشفاق، کاشف، یاسمین اروڑا، یاسمین کنول، بابا دبئی، کاشف ملک، شمروز، وحید، مسٹر پن، راحیل، حمزہ، دانش، نعمان، رابی، رضوان، عبید اور معروف انفلوئنسر پاور آف شارجہ شامل تھے۔





