بارسلونا (جانب منزل نیوز) معروف شاعرہ اور میزبان ڈاکٹر صغریٰ صدف ان دنوں بارسلونا کے نجی دورہ پر ہیں۔ان کے اعزاز میں بارسلونا میں معروف پاکستانی بزنس مین چوہدری محمد سلیم لنگڑیال اور چوہدری محمد کلیم الدین وڑائچ کی جانب سے قرطبہ ریسٹورنٹ پورٹ فورم پر عشائیہ کا اہتمام کیا گیا۔
عشائیہ تقریب میں قریبی دوست احباب نے شرکت کی،ڈاکٹر صغریٰ صدف نے صوفی ازم اور انسانی معاشرہ کی تعمیر وترقی پر گفتگو کی اور اپنی اردو پنجابی شاعری سے حاضرین سے خوب داد وصول کی۔ ڈاکٹر صغریٰ صدف کے ریسٹورنٹ پہنچنے پر محمد سلیم لنگڑیال اور چوہدری کلیم الدین وڑائچ نے گلدستہ پیش کرکے پرتپاک استقبال کیا۔
تقریب کا آغاز تلاوت قرآن مجید اور نعت رسول مقبول صلی اللہ علیہ والہ وسلم سے ہوا جس کی سعادت چوہدری شہزاد اکبر وڑائچ اور مظہر حسین راجہ نے حاصل کی جبکہ نظامت کے فرائض چوہدری ایاز مٹھانہ چک نے انجام دئیے۔
تقریب میں چوہدری امتیاز لوراں،چوہدری عبدالغفار مرہانہ،چوہدری ساجد گوندل،راجہ نعیم،غضنفر منظور،پرویز اختر جانی،راجہ بشارت حسین،کاشف محمود،محترمہ عروسہ،ڈاکٹر قمر فاروق، رضوان کاظمی اور دیگر دوست احباب نے شرکت کی۔
