پاکستان میں 10 روپے کا نوٹ ختم کرکے سکے لانے کی منظوری

اسلام آباد (جانب منزل نیوز) وفاقی کابینہ نے پاکستان کے کرنسی نظام میں اہم اصلاحات کی منظوری دے دی، جس کے تحت 10 روپے کے کرنسی نوٹ کی جگہ سکے متعارف کرائے جائیں گے، جبکہ دیگر مالیت کے نوٹوں کے ڈیزائن بھی جدید تقاضوں کے مطابق تبدیل کیے جائیں گے۔
وزیراعظم شہباز شریف کی زیر صدارت وفاقی کابینہ کے اجلاس میں وزارت خزانہ کی سفارش پر نئے کرنسی نوٹوں کے ڈیزائن کی منظوری دی گئی۔ نئے نوٹوں میں جعل سازی کی روک تھام کے لیے جدید سکیورٹی فیچرز شامل کیے جائیں گے، جبکہ بہتر معیار کے مواد سے ان کی پائیداری اور عمر میں اضافہ کیا جائے گا۔
کابینہ کو بتایا گیا کہ نئے کرنسی نوٹوں کے ڈیزائن کے لیے ملک بھر کے فنکاروں اور ڈیزائنرز سے تجاویز طلب کی گئی تھیں۔ وزیراعظم کی تشکیل کردہ خصوصی کمیٹی نے متعلقہ اداروں اور اسٹیک ہولڈرز سے مشاورت کے بعد نئے ڈیزائنوں کو حتمی شکل دی۔
تاہم موجودہ کرنسی نوٹوں کی واپسی اور نئے نوٹوں کے اجرا ۔کے حوالے سے حتمی تاریخ کا اعلان نہیں کیا گیا