امریکا (جانب منزل نیوز) امریکی ریاست ورجینیا کے اسکول میں پہلی جماعت کے چھ سالہ طالبعلم نے اپنی ٹیچر کو گولی مارنے کے واقعے کی پولیس باڈی کیم ویڈیو جاری کر دی گئی ہے۔
عالمی خبر رساں ادارے کے مطابق یہ واقعہ تین سال پرانا ہے تاہم 6 جنوری 2023 کو رچ نیک ایلیمنٹری اسکول میں پیش آنے والے اس واقعے کی پولیس باڈی کیم ویڈیو اب ریلیز کی گئی ہے
ورجینیا کے رچ نیک ایلیمنٹری اسکول میں پیش آنے والے واقعے کی ویڈیو میں دیکھا جا سکتا ہے کہ چھ سالہ بچہ فائرنگ کے بعد پولیس اہلکاروں اور ٹیچر کو گالیاں دے رہا ہے اور دھمکیاں دیتے ہوئے کہہ رہا ہے کہ اسے جیل جانے کی کوئی پروا نہیں۔
فائرنگ کے وقت کلاس روم میں 16 طلبہ موجود تھے، تاہم ٹیچر ایبی زورنر نے سینے پر گولی لگنے کے باوجود حاضر دماغی کا مظاہرہ کرتے ہوئے تمام بچوں کو محفوظ رکھا۔ طبی امداد کے بعد ٹیچر کی حالت اب خطرے سے باہر ہے جبکہ موقع سے 9 ایم ایم پستول بھی برآمد ہوا ہے۔ عدالتی دستاویزات میں بچے کی شناخت جے ٹی بتائی گئی ہے، جس نے اعتراف کیا کہ اس نے پستول اپنی والدہ کے پاس سے چرایا تھا
