لاہور(جانب منزل نیوز) لاہور ہائیکورٹ نے سولہ برس سے کم عمر بچوں کے سوشل میڈیا کے استعمال پابندی کیلئے درخواست پر اٹارنی جنرل پاکستان اور ایڈوکیٹ جنرل پنجاب کو معاونت کیلئے طلب کر لیا ہے
چیف جسٹس لاہور ہائیکورٹ جسٹس عالیہ نیلم نے خاتون علائیہ سلیم کی متفرق درخواست پر سماعت کی جس میں 16 برس سے کم عمر کے بچوں کے سوشل میڈیا استعمال کرنے کی نشان دہی کی گئی
عدالت نے اٹارنی جنرل اور ایڈووکیٹ جنرل پنجاب کو 15 اکتوبر کو عدالتی معاونت کے لئے طلب کر لیا۔ درخواست میں نشاندہی کی گئی کہ ملک میں 16 برس سے کم عمر کے بچے سوشل میڈیا کا استعمال کر رہے ہیں اور کوئی ایسا طریقہ کار نہیں ہے جس سے ان کو سوشل میڈیا استعمال کرنے سے روکا جائے
درخواست میں بتایا گیا کہ سوشل میڈیا کے استعمال سے بچوں پر منفی اثرات مرتب ہو رہے ہیں۔ آسٹریلیا، بزرایل اور اٹلی میں 16 برس سے کم عمر کے بچوں کے سوشل میڈیا کے استعمال پر پابندی ہے۔ درخواست میں استدعا کی گئی کہ ملک میں بھی 16 برس کے بچوں کے سوشل میڈیا استعمال کرنے پر پابندی لگائی جائے
