کراچی (جانب منزل نیوز) پاکستانی اداکار سہیل سمیر نے زندگی کی ناپائیداری اور وقت کی اہمیت پر مبنی ایک فکر انگیز پیغام سوشل میڈیا پر شیئر کرکے مداحوں کو اہم سبق دے دیا۔
اداکار نے اپنے انسٹاگرام اکاؤنٹ پر لکھا کہ "وقت سب کا بدلتا ہے، آج جو پاس ہے کل نہیں ہوتا، اس لیے ہر لمحے کی قدر کرو، کیونکہ یہ پل پھر کبھی لوٹ کر نہیں آئے گا۔”
سہیل سمیر کا یہ پیغام زندگی کی ایک ایسی حقیقت اجاگر کرتا ہے جسے اکثر لوگ روزمرہ کی مصروفیات میں نظر انداز کر دیتے ہیں۔ ان کے مطابق گزر جانے والا وقت اور بیتے ہوئے لمحات دوبارہ واپس نہیں آتے، اس لیے زندگی کے ہر لمحے کو اہمیت دینی چاہیے۔
اداکار کے اس بامعنی قول کو مداحوں اور سوشل میڈیا صارفین کی جانب سے سراہا جا رہا ہے۔





