اسکرین کے سامنے بیٹھنے کا دور ختم، اے آئی گیمنگ کنسول بچوں کو کھیلتے کھیلتے متحرک رکھے گا

دبئی (جانب منزل نیوز) بچوں کی ڈیجیٹل تفریح کو جسمانی سرگرمی میں بدلنے والی جدید ٹیکنالوجی متعارف، Nex Playground نامی اے آئی پاورڈ گیمنگ کنسول نے گھریلو تفریح کا نیا انداز پیش کردیا، جہاں بچے جوائے اسٹک کے بجائے اپنی جسمانی حرکات سے گیمز کھیل سکیں گے۔
جدید ٹیکنالوجی سے آراستہ یہ منفرد کنسول ٹی وی سے منسلک ہوکر کام کرتا ہے اور اس میں نصب اسمارٹ کیمرہ اے آئی کی مدد سے کھلاڑیوں کی حرکات کو شناخت کرکے انہیں اسکرین پر گیم کا حصہ بناتا ہے۔ بچے اچھل کود، ڈانس، ہاتھ ہلانے اور مختلف جسمانی حرکات کے ذریعے کھیل میں حصہ لے سکتے ہیں۔
Nex Playground کی خاص بات یہ ہے کہ ایک وقت میں چار افراد مل کر گیمز کھیل سکتے ہیں، جس سے والدین اور بچے ایک ساتھ تفریحی سرگرمیوں سے لطف اندوز ہوسکتے ہیں۔ کنسول میں پانچ گیمز پہلے سے شامل ہیں، جبکہ اختیاری Play Pass سبسکرپشن کے ذریعے 60 سے زائد اضافی گیمز تک رسائی بھی ممکن ہے۔
اس جدید سسٹم میں Fruit Ninja، Starri اور Party Fowl سمیت دلچسپ گیمز شامل ہیں۔ پانچ سال یا اس سے زائد عمر کے بچوں کے لیے موزوں یہ کنسول روایتی گیمنگ کے مقابلے میں زیادہ متحرک اور انٹرایکٹو تجربہ فراہم کرتا ہے۔