لاہور( جانب منزل نیوز) قومی ویمنز کرکٹ ٹیم کی اسپنر سعدیہ اقبال کے بائیں گھٹنے کی لاہور میں کامیاب سرجری ہو گئی ہے۔ سرجری کے بعد ڈاکٹرز کی ہدایت کے مطابق قومی اسپنر جلد اپنا ری ہیب پروگرام شروع کریں گی۔
سعدیہ اقبال کافی عرصے سے گھٹنے کی تکلیف کا شکار تھیں۔ ڈاکٹرز کے مطابق سرجری کے بعد ان کو دوبارہ کرکٹ ایکشن میں واپس آنے کے لیے کم از کم تین سے چار ماہ کا عرصہ درکار ہو گا۔ 31 سالہ لیفٹ آرم اسپنر سعدیہ اقبال نے انٹرنیشنل کرکٹ میں شاندار کارکردگی دکھائی ہے، وہ 39 ون ڈے میچز میں 50 اور 68 ٹی ٹوئنٹی میچز میں 85 کھلاڑیوں کو آؤٹ کر چکی ہیں
