لاہور (جانب منزل نیوز) معروف بزنس مین رانا امتیاز کی جانب سے پنجاب کے وزیر و وائس چیئرمین اوورسیز پاکستانی کمیشن، بیرسٹر امجد ملک کے اعزاز میں پرتکلف عشائیے کا اہتمام کیا گیا۔ کاروباری، سماجی اور دیگر معروف شخصیات نے شرکت کی۔ اس موقع پر رانا امتیاز نے بیرسٹر امجد ملک اور دیگر معزز مہمانوں کا پرتپاک استقبال کیا۔
بیرسٹر امجد ملک نے رانا امتیاز کی جانب سے پرتکلف دعوت اور شاندار میزبانی پر ان کا شکریہ ادا کیا۔ یو اے ای سے بزنس مین سجاد نذیر ،کویت سے شمشاد خان تنولی اور لندن سے اسامہ ملک بھی عشائیے میں شریک تھے۔
عشائیے کے اختتام پر بیرسٹر امجد ملک کے برادرِ نسبتی، مرحوم ندیم ملک کے انتقال پر فاتحہ خوانی کی گئی۔ مرحوم کے ایصالِ ثواب، درجاتِ بلندی اور لواحقین کے لیے صبرِ جمیل کی دعا بھی کی گئی۔
