لاہور میں جشنِ بسنت کا نیا شیڈول منظور، تین روزہ تقریبات مارچ میں ہوں گی

لاہور (جانب منزل نیوز) پنجاب حکومت نے لاہور میں بسنت منانے کی تاریخوں میں تبدیلی کی منظوری دے دی ہے، جس کے بعد اب شہر میں 12، 13 اور 14 مارچ 2027 کو جشنِ بسنت منایا جائے گا۔
ذرائع کے مطابق پنجاب کابینہ نے بسنت کی نئی تاریخوں سے متعلق سمری منظور کرلی ہے۔ اس سے قبل پنجاب حکومت کی جانب سے 29 جنوری سے 7 فروری 2027 تک 10 روزہ بسنت منانے کا اعلان کیا گیا تھا۔
ذرائع کا کہنا ہے کہ بسنت کے شیڈول میں تبدیلی کے لیے ڈپٹی کمشنر لاہور نے سمری محکمہ داخلہ پنجاب کو بھجوائی تھی، جس کے بعد محکمہ داخلہ نے اسے منظوری کے لیے صوبائی کابینہ کو ارسال کیا۔
صوبائی کابینہ کی منظوری کے بعد لاہور میں بسنت کی تقریبات اب مارچ 2027 میں منعقد ہوں گی۔ نئی تاریخوں کے مطابق جشنِ بسنت 12، 13 اور 14 مارچ کو منایا جائے گا۔
بسنت کی تاریخوں میں تبدیلی کے فیصلے کے بعد لاہور میں موسمِ بہار کی آمد کے موقع پر ہونے والی تقریبات کا شیڈول بھی تبدیل ہوگیا ہے۔