اسلام آباد (جانب منزل نیوز) وزیراعظم شہباز شریف نے فیول سبسڈی پروگرام کی شفافیت اور بہترین نظام تشکیل دینے پر وفاقی وزیر آئی ٹی شزا فاطمہ کے لیے تمغے کا اعلان کیا ہے۔ اجلاس سے خطاب کرتے ہوئے وزیراعظم نے کہا کہ 1 کروڑ سے زائد شہریوں نے فیول سبسڈی سے ماہانہ 2 ہزار روپے کا ریلیف حاصل کیا ہے
اسلام آباد میں فیول سبسڈی اسکیم کے جائزہ اجلاس سے خطاب کرتے ہوئے وزیراعظم شہباز شریف نے وزیر آئی ٹی شزا فاطمہ کی شاندار کارکردگی پر انہیں تمغہ جبکہ دیگر ٹیم ممبران کو شیلڈز دینے کا اعلان کیا۔ وزیراعظم نے کہا کہ فیول سبسڈی اسکیم ایک بڑا چیلنج تھی، لیکن وفاق اور صوبوں نے مل کر اسے مکمل طور پر شفاف اور کامیاب بنایا۔
اجلاس میں بتایا گیا کہ اب تک 1 کروڑ 8 لاکھ 80 ہزار سے زائد شہری رجسٹریشن کرا چکے ہیں۔ پروگرام کے تحت 2 کروڑ 17 لاکھ ٹوکن جاری کیے گئے، جن میں سے 1 کروڑ 94 لاکھ ٹوکنز کے ذریعے شہریوں نے رعایتی پیٹرول حاصل کر کے بڑا مالی ریلیف حاصل کیا۔
