لاہور ( جانب منزل نیوز) لاہور میں عوام راج لائرز فورم کی جانب سے لاہور ہائی کورٹ بار اور لاہور بار ایسوسی ایشن کے انتخابات کے لیے امیدواروں کا اعلان کر دیا گیا۔
امیدواروں کے اعلان کی تقریب میں سینئر وکلا منیر بھٹی ایڈووکیٹ، ملک مقصود کھوکھر ایڈووکیٹ، ہارون ڈوگل ایڈووکیٹ سمیت دیگر سینئر وکلا اور خواتین وکلا کی بڑی تعداد نے شرکت کی۔
تقریب میں ڈاکٹر جنید بٹ ایڈووکیٹ، ممبر نیشنل اپوائنٹمنٹ کمیٹی عوام راج و کنوینر پنجاب، حسنین زاہد اور سلمان موہل ایڈووکیٹ بھی شریک ہوئے۔
لاہور ہائی کورٹ بار کے لیے ہارون ڈوگل کو صدر، خداداد چٹھہ کو نائب صدر، شہزاد سعید کو سیکرٹری اور بلال ریاض شیخ کو فنانس سیکرٹری کے امیدوار کے طور پر نامزد کیا گیا۔
لاہور بار ایسوسی ایشن کے لیے ملک مقصود کھوکھر صدر، مہر جہانگیر اور فرزانہ بھولر نائب صدر، آفتاب رضا قریشی نائب صدر ماڈل ٹاؤن، میاں علی عمران نائب صدر کینٹ، سردار وقاص ڈوگر اور رضوان ارشد جٹ سیکرٹری کے امیدوار ہوں گے۔
چوہدری مسعود حسین جوائنٹ سیکرٹری، سلمان احمد مان فنانس سیکرٹری جبکہ فائزہ اسلم لائبریری سیکرٹری کے امیدوار کے طور پر میدان میں ہوں گی۔
عوام راج لائرز فورم کی جانب سے امیدواروں کے اعلان کے بعد انتخابی سرگرمیوں میں تیزی آنے کا امکان ہے۔
