متحدہ عرب امارات متحدہ عرب امارات

متحدہ عرب امارات میں شہریوں کے ذاتی ڈیٹا کے تحفظ کے لیے نئے قواعد نافذ

اتوار 16 نومبر 2025ء

---

دبئی:(نمائندہ خصوصی)  ابوظہبی گلوبل مارکیٹ (ADGM) نے ڈیٹا پروٹیکشن ریگولیشنز 2021 کے تحت نئے قواعد متعارف کرائے ہیں تاکہ شہریوں کی حساس ذاتی معلومات کو مزید تحفظ فراہم کیا جا سکے۔ یہ ضوابط، جنہیں ڈیٹا پروٹیکشن ریگولیشنز (سبسٹینشل پبلک انٹرسٹ کنڈیشنز) رولز 2025 کا نام دیا گیا ہے، ذاتی معلومات کے استعمال اور کمزور طبقات کے تحفظ کے درمیان توازن قائم کرنے کے لیے وضع کیے گئے ہیں۔

یہ قواعد خاص طور پر ان شعبوں کے لیے اہم ہیں جہاں حساس معلومات کا استعمال عام ہے، جیسے انشورنس اور تعلیم۔ ان ضوابط کے تحت اداروں کو بعض صورتوں میں افراد کی پیشگی اجازت کے بغیر بھی ذاتی ڈیٹا پراسیس کرنے کی اجازت ہوگی، بشرطیکہ یہ اقدام عوامی مفاد کے لیے ہو، جیسے بچوں کے تحفظ یا کسی نقصان کے خطرے سے دوچار افراد کی حفاظت کے لیے۔

ماہرین کے مطابق یہ اقدام نہ صرف ڈیجیٹل سیکیورٹی کو بہتر بنائے گا بلکہ اداروں کو شفافیت کے ساتھ اپنی ذمہ داریاں ادا کرنے میں بھی معاون ثابت ہوگا۔