متحدہ عرب امارات متحدہ عرب امارات

متحدہ عرب امارات میں کھویا، چوری یا خراب ہونے والا امارات آئی ڈی کیسے تبدیل کریں؟

جمعرات 14 مئی 2026ء

---

دبئی:(نمائندہ خصوصی) اگر آپ کا امارات آئی ڈی کھو گیا ہے، چوری ہوگیا ہے یا کسی وجہ سے خراب ہو گیا ہے تو اب صرف چند منٹوں میں موبائل فون کے ذریعے اس کا متبادل حاصل کیا جا سکتا ہے۔

یہ سہولت وفاقی اتھارٹی برائے شناخت، شہریت، کسٹمز اور پورٹ سیکیورٹی (ICP) کی جانب سے تیار کردہ سرکاری موبائل ایپ UAEICP کے ذریعے دستیاب ہے۔

اس عمل میں صارف کو سب سے پہلے واقعہ رپورٹ کرنا ہوگا، پھر درکار دستاویزات اپ لوڈ کرنی ہوں گی۔ درخواست آن لائن جمع کرانے کے بعد متعین فیس ادا کرنا ضروری ہے، جبکہ ایپ کے ذریعے درخواست کی پیش رفت کو بھی باآسانی ٹریک کیا جا سکتا ہے۔

یہ نیا سسٹم امارات آئی ڈی سے متعلق خدمات کو مزید تیز، سہل اور صارفین کے لیے باآسانی قابلِ رسائی بنانے کی جانب اہم قدم قرار دیا جا رہا ہے۔