عالمی مالیاتی فنڈ (آئی ایم ایف) دنیا کے 191 رکن ممالک کے باصلاحیت افراد کو ملازمت کے مواقع دیتا ہے، جن میں پاکستانی بھی شامل ہیں۔
آئی ایم ایف میں ابتدائی کیریئر کے پروگرام:
- فنڈ انٹرن شپ پروگرام: معاشیات میں پی ایچ ڈی کرنے والے طلبہ کیلیے گرمیوں کا پروگرام، جس میں عالمی معاشی مسائل پر تحقیق کا موقع ملتا ہے
- ریسرچ اینالسٹ پروگرام: معاشیات، فنانس یا ڈیٹا سائنس میں بیچلر کرنے والے نئے گریجویٹس کیلیے موقع، جس میں وہ تحقیقی اور پالیسی کاموں میں مدد کرتے ہیں
- اکنامسٹ پروگرام: معاشیات میں پی ایچ ڈی کرنے والے نئے گریجویٹس کیلیے 3 سالہ پروگرام، جس میں مختلف شعبوں میں کام کرنے اور گھوم پھر کر تجربہ حاصل کرنے کا موقع ملتا ہے
تجربہ کار افراد کیلیے ملازمتیں:
- مڈ سے سینئر اکنامسٹ: تجربہ کار افراد کیلیے معاشی پالیسی، ٹیکس و بجٹ، تجارتی پالیسی اور مانیٹری پالیسی کے شعبوں میں ملازمتیں
- غیر اکنامسٹ ماہرین: قانون، فنانس و اکاؤنٹنگ، آئی ٹی، ہیومن ریسورس، کمیونیکیشن اور انٹرنل آڈٹ جیسے شعبوں میں بھی ملازمتیں موجود ہیں
- تربیت اور فیلڈ ملازمتیں: پبلک فنانشل مینجمنٹ، ٹیکس نظام اور مالیاتی شعبے کے ماہرین کو علاقائی مراکز یا مختلف ممالک کے دفاتر میں تعینات کیا جاتا ہے
پیشہ ورانہ ترقی اور کام کا ماحول:
دنیا بھر کی وزارتوں اور مرکزی بینکوں کی ٹیموں کے ساتھ مل کر مالی استحکام، معاشی اصلاحات اور صلاحیت سازی پر کام کرنے کا موقع ملتا ہے۔
مختلف علاقوں اور معاشی شعبوں میں کام کر کے تجربہ بڑھانے کا موقع ملتا ہے۔
نئے معاشی رجحانات جیسے موسمیاتی معاشیات اور ڈیجیٹل کرنسی پر خصوصی ٹریننگ اور تحقیقی سہولتیں بھی میسر ہیں۔
تنخواہ اور سہولتیں:
- غیر امریکی شہریوں کی تنخواہ پر مقامی، ریاستی اور وفاقی انکم ٹیکس نہیں لگتا
- اہل بین الاقوامی عملے کو نقل و حرکت کی مدد، بچوں کی تعلیم کا الاؤنس اور وطن واپسی کے سفر کی سہولت ملتی ہے
- مکمل میڈیکل انشورنس اور پنشن پلان بھی شامل ہے
درخواست دینے کا طریقہ:
امیدواروں کا انتخاب ایک معیاری عمل سے ہوتا ہے۔ مختلف آسامیوں کیلیے ابھی درخواست اس لنک پر دی جا سکتی ہے
